ខេត្តព្រះសីហនុ មានភ្ញៀវទេសចរថយចុះ១៣,៤៩ ភាគរយ ខណ:កំពតកើនឡើង ៥៨,៦២ ភាគរយ

0
13

អំឡុងពេលបុណ្យភ្ជុំបិណ្ឌ ប្រជាជនកម្ពុជាធ្វើដំណើរកម្សាន្តទៅកាន់តំបន់ទេសចរណ៍ជាច្រើនក្នងព្រះរាជាណាចក្រកម្ពុជាដូចជា ខេត្តព្រះសីហនុ កំពត កោះកុង ​រតនគីរី មណ្ឌលគីរី សៀមរាប និងតាមរមណីយដ្ឋានក្នុងខេត្តផ្សេងៗទៀត។

របាយការណ៍​របស់​ក្រសួងទេសចរណ៍ បាន​បង្ហាញថា  ភ្ញៀវទេសចរ​ជាតិ និង​អន្តរជាតិ ចំនួន ១,២៦១,៦៩១​នាក់  បានធ្វើ​ដំណើរ​ទៅ​កម្សាន្ត​នៅតាម​រមណីយដ្ឋាន និង​តំបន់​ទេសចរ​នានា​ក្នុងប្រទេស​កម្ពុជា​។ ក្នុងនោះ​ភ្ញៀវទេសចរ​ជាតិ មាន​ចំនួន ១,២១៣,៦៨៧​នាក់ និង​ភ្ញៀវទេសចរ​អន្តរជាតិ មាន​ចំនួន ៤៨,០០៤​នាក់​។​

យោងតាមរបាយការណ៍ដដែលបានឲ្យដឹងថា ចំនួនភ្ញៀវទេសចរ ដែលបានទៅលេងកម្សាន្តក្នុងខេត្តព្រះសីហនុ មានការថយចុះ ចំនួន ១៣,៤៩ ភាគរយ មានត្រឹមតែ ៧៩,៥៨៧​នាក់ប៉ុណ្ណោះ ខណ:ខេត្តកំពតមានភ្ញៀវទេសចរចំនួន ១១៧,៦៣៣នាក់ កើនឡើងចំនួន ៥៨,៦២ ភាគរយ៕