Spain

FIFA ព្រមានអេស្ប៉ាញអាចត្រូវដកចេញពីការប្រកួតបាល់ទាត់ពិភពលោកឆ្នាំ ២០១៨

ការចូលរួមរបស់អេស្ប៉ាញនៅក្នុងការប្រកួត World Cup ឆ្នាំ ២០១៨ នៅក្នុងប្រទេសរុស្ស៊ីអាចស្ថិតក្រោមការគំរាមកំហែង បន្ទាប់ពី FIFA បានព្រមានសហព័ន្ធកីឡាបាល់ទាត់អេស្ប៉ាញ (RFEF) ប្រឆាំងនឹងការជ្រៀតជ្រែកនយោបាយ។

FIFA បានព្រមាន RFEF ថាការបន្តការចូលរួមពីរដ្ឋាភិបាលអេស្ប៉ាញនៅក្នុងការបោះឆ្នោតនាពេលខាងមុខសម្រាប់ប្រធានាធិបតីថ្មីរបស់សហព័ន្ធកីឡាបាល់ទាត់អាចបណ្តាលឱ្យពួកគេបាត់បង់កៅអីរបស់ពួកគេនៅការប្រកួតបាល់ទាត់ពិភពលោកនារដូវក្តៅខាងមុខនេះ។

គួរបញ្ជាក់ថា កាលពីដើមឆ្នាំនេះសហព័ន្ធកីឡាបាល់ទាត់ប៉ាគីស្ថាន (PFF) ត្រូវបានហាមឃាត់ដោយ FIFA ដោយសារតែ “ការជ្រៀតជ្រែកភាគីទីបីដែលមិនត្រឹមត្រូវ” ។

នៅក្រោមសេចក្តីសម្រេចនេះក្រុមជម្រើសជាតិ និងក្លឹបរបស់ PFF ត្រូវបានហាមឃាត់មិនឱ្យចូលរួមក្នុងការប្រកួតអន្តរជាតិរហូតទាល់តែការផ្អាកត្រូវបានបញ្ឈប់៕

ប្រែសម្រួលដោយ៖ វណ្ណា

ប្រភព៖ The Independent