Wednesday, January 16, 2019
Home Blog
ក្រសួងទេសចរណ៍ បានចេញសារាចរណែនាំពង្រឹងសុវត្ថិភាពចំណីអាហារតាមមូលដ្ឋានអាជីវកម្មទេសចរណ៍ និងអាហារដ្ឋានទេសចរណ៍ ដោយយោងតាមច្បាប់ស្តីពីមាត្រា២ កថាខណ្ឌទី២ បានបញ្ញតិថា« គ្មានបុគ្គលណាម្នាក់អាចប្រកបអាជីវកម្មបានទេ ប្រសិនបើបុគ្គលនោះមិនបានទទួលបានការផ្តល់អាជ្ញារបណ្ណទេសចរណ៍ពីក្រសួងទេសចរណ៍ ឬពីរដ្ឋបាលថ្នាក់ក្រោមជាតិ»។ តាមការប្រកាសរបស់ក្រសួងទេសចរណ៍កាលពីរថ្ងៃទី១៤ ខែមករា ឆ្នាំ២០១៩ ម្សិលមិញបានឱ្យដឹងថា៖ កន្លងមកក្រសួងទេសចរណ៍ សង្កេតឃើញមានការអនុវត្តតាមខ្លឹមសារនៃបញ្ញត្តិច្បាប់ស្ដីពីទេសចរណ៍បានត្រឹមត្រូវចំពោះអាជីវកម្មភោជនីយដ្ឋាន និងអាហារដ្ឋានទេសចរណ៍ភាគច្រើននៅទូទាំងប្រទេស ដោយឡែកក៏នៅមានអាជីវកម្មភោជនីយដ្ឋាន និងអាហារដ្ឋានទេសចរណ៍មួយចំនួន មិនទាន់បានអនុវត្តកាតព្វកិច្ចស្នើសុំអាជ្ញាបណ្ណទេសចរណ៍ ក៏ដូចជាការអនុវត្តឱ្យបាននូវការស្នើសុំវិញ្ញាបនបត្របញ្ជាក់អនាម័យពីក្រសួងសុខាភិបាល ឬមន្ទីរសុខាភិបាល ឬរដ្ឋបាលថ្នាក់ក្រោមជាតិ។ ជាការជម្រាបជូនដល់សាធារណជនទាំងអស់ ជាពិសេសម្ចាស់អាជីវកម្មអាជីវកម្មភោជនីយដ្ឋាន និងអាហារដ្ឋានទេសចរណ៍ឱ្យបានដឹង ដើម្បីចូលរួមដល់ការពង្រឹងសុវត្ថិភាពចំណីអាហារនៅតាមមូលដ្ឋានអាជីវកម្មភោជនីយដ្ឋាន និងអាហារដ្ឋានទេសចរណ៍ ក្រសួងទេសចរណ៍ និងមន្ទីរទេសចរណ៍រាជធានី-ខេត្ត នឹងមិនផ្ដល់អាជ្ញាបណ្ណទេសចរណ៍ដល់គ្រប់អាជីវកម្មភោជនីយដ្ឋាន និងអាហារដ្ឋានទេសចរណ៍ទាំងឡាយណា ដែលមិនមានវិញ្ញាបនបត្របញ្ជាក់អនាម័យពីក្រសួងសុខាភិបាល ឬមន្ទីរសុខាភិបាល ឬរដ្ឋបាលថ្នាក់ក្រោមជាតិ។ នៅក្នុងសារាចរណែនាំនេះ បានសង្កត់ធ្ងន់ផងដែរថា« ក្រសួងទេសចរណ៍ នឹងសម្រេចដកហូតមកវិញនូវអាជ្ញាបណ្ណទេសចរណ៍ ប្រសិនបើពិនិត្យឃើញថាមូលដ្ឋានអាជីវកម្មភោជនីយដ្ឋាន និងអាហារដ្ឋានទេសចរណ៍នោះ ពុំបានអនុវត្តត្រឹមត្រូវតាមបទដ្ឋានអនាម័យ តាមការណែនាំរបស់ក្រសួងសុខាភិបាល ឬមន្ទីរសុខាភិបាល ឬរដ្ឋបាលថ្នាក់ក្រោមជាតិ »។  
ក្រុមហ៊ុនទូរស័ព្ទយក្សចិន Xiaomi ដែលភាគច្រើនត្រូវបានគេស្គាលថា ជាក្រុមហ៊ុនកំពូលចម្លងនេះ បានបញ្ចេញនូវទូរស័ព្ទស្មាតហ្វូន ដ៏ទំនើបរបស់ខ្លួនជាមួយនឹងតម្លៃប្រមាណ១៥០ Euro ។ លក្ខណៈ​ពិសេស​របស់ Xiaomi Redmi Noted 7 គឺ​មុខងារ​ស្កេន​ម្រាម​ដៃ នៅផ្នែកខាងក្រោយទូរសព្ទ ។ Mi Noted 7 បំពាក់​អេក្រង់ Corning Gorilla Glass 5 ទំហំ ៦,៣អ៊ីញ កម្រិត Resolution 2340 x 1080 (402ppi) ។ Redmi Note 7 មាន RAM  6GB ជាមួយនឹងម៉ាស៊ីន Snapdragon 660។ កម្លាំង​ថ្ម ត្រូវ​បាន​បន្ថែម​រហូត​ដល់ 4000 mAh battery ។ មាន​កាមេរ៉ា​ក្រោយ​ភ្លោះ​ដដែល ទំហំ 48 MP f/1.8, 1/2", 0.8µm, និង 5 MP, f/2.4, depth...
នាយកដ្ឋាន​ប្រឆាំង​បទ​ល្មើស​បច្ចេកវិទ្យា បានជូនដំណឹងតាមរយៈទំព័រហ្វេកប៊ុកផ្លូវកាលពី​ថ្ងៃ​ទី​១០ ​ខែ​មករា​ ឆ្នាំ​២០១៩​ម្សិលមិញនេះ​​ ដោយ​អំពាវ​នាវ​ឲ្យ​ប្រជាពលរដ្ឋ​ខ្មែរទាំងអស់ ដែល​ប្រើប្រាស់ ​Wifi សាធារណៈ ដែលមានប្រភពមិនច្បាស់លាស់ ដោយអាចប្រឈមនឹងការលួចយក ព័ត៌មានផ្ទាល់ខ្លួនរបស់លោកអ្នកបាន។ តាមការអំពាវនាវពីនាយកដ្ឋាន​ប្រឆាំង​បទ​ល្មើស​បច្ចេកវិទ្យាបានបញ្ជាក់ថា «ប្រជាពលរដ្ឋភាគច្រើនតែងតែប្រើប្រាស់វ៉ាយហ្វាយសាធារណៈ (Public Wi-Fi) សឹងតែគ្រប់ពេលវេលានៅហាងកាហ្វេ ភោជនីយដ្ឋាន ព្រលានយន្តហោះ និងទីសាធារណៈមួយចំនួន ដោយមិនបានចាប់អារម្មណ៍ថារាល់ការប្រើប្រាស់ទាំងអស់នេះ អាចនាំមកនូវហានិភ័យផ្សេងៗដូចជាការលួចយកព័ត៌មានផ្ទាល់ខ្លួន (រូបភាព និង ឯកសារ) លេខសម្ងាត់ (Password) និងចែកចាយមេរោគ (Virus Malware)។» កត្តាទាំងនេះ អាចប្រឈមជាមួយការហានិភ័យខ្ពស់ដល់អ្នកនិយមប្រើប្រាស់សេវា WiFi សាធារណៈ ដែលរងនូវការលួចយកព័ត៍មានផ្ទាល់ខ្លួនរបស់បុគ្គលគ្រប់រូបបានយ៉ាងងាយស្រួល។ ដូច្នេះដើម្បីប្រើប្រាស់វ៉ាយហ្វាយសាធារណៈប្រកបដោយសុវត្តិភាព នាយកដ្ឋាន​ប្រឆាំង​បទ​ល្មើស​បច្ចេកវិទ្យា បានបង្ហាញពីវិធីចំនួន៤ ដែលលោកអ្នកគួរតែ៖ ១.បញ្ជាក់ឲ្យប្រាកដថាវ៉ាយហ្វាយដែលបានភ្ជាប់គឺជាវ៉ាយហ្វាយដែលមានប្រភពច្បាស់លាស់ ២.ជៀសវាងការចូលទៅក្នុងគណនីសំខាន់ៗដូចជា ធនាគារ iCloud និង Email ជាដើម ៣.បិទប្រព័ន្ធវ៉ាយហ្វាយពេលដែលលោកអ្នកពុំត្រូវការប្រើប្រាស់ ៤.បិទ Network Sharing នៅលើកុំព្យូទ័រដើម្បីជៀសវាងកុំព្យូទ័រដទៃទៀតភ្ជាប់ចូលកុំព្យូទ័ររបស់លោកអ្នក៕    
នៅក្នុងសន្និសិទសារព័ត៌មាន កាលពីថ្ងៃទី៨ ខែមករា លោក Jaime Bautisa ប្រធានក្រុមហ៊ុន អាកាសចរណ៍ហ្វីលីពីន បានឲ្យដឹងថា ជើងហោះហើរត្រង់ពី ភ្នំពេញ-ម៉ានីល នឹងត្រូវដំណើរការជាផ្លូវការចាប់ពីថ្ងៃ៣១ ខែមីនា ឆ្នាំ២០១៩។ នេះបើតាមការផ្សាយរបស់សារព័ត៌មាន Rappler ហ្វីលីពីន។ ក្រុមហ៊ុន​អាកាសចរណ៍​ហ្វីលីពីន នឹង​ដាក់​ដំណើរការ​ជើង​ហោះហើរ​ត្រង់ពី​ក្រុង​ម៉ានីល មក​រាជធានីភ្នំពេញ និង​ទៅ​ក្រុង​ហាណូយ នៃ​ប្រទេស​វៀតណាម។ នេះបើតាមសម្ដីរបស់លោក Bautisa។ លោក​បន្ត​ថា សម្រាប់​ជើង​ហោះហើរ ភ្នំពេញ-ម៉ានីស ក្រុមហ៊ុន​គ្រោង​ប្រើប្រាស់​យន្តហោះ​ប្រភេទ Airbus A320 ដែល​អាច​ផ្ទុក​អ្នក​ដំណើរ ១៥៦​នាក់ និង​ Airbus A321 ដែល​ផ្ទុក​អ្នក​ដំណើរ​បាន ១៩៩​នាក់​។ ចក្ខុវិស័យជាយុទ្ធសាស្ត្ររបស់ហ្វីលីពីនអ៊ែរឡាញគឺធ្វើឱ្យប្រទេសហ្វីលីពីនក្លាយជាច្រកទ្វារពិតចំពោះអាស៊ី យើងនឹងពង្រីកទីតាំងភូមិសាស្រ្តល្អបំផុតរបស់ទីក្រុងម៉ានីលជាចំណុចឈប់សម្រាកល្អបំផុតសម្រាប់មនុស្សដែលធ្វើដំណើរទៅអាស៊ីអាគ្នេយ៍ ពីខាងកើតនិងខាងលិចនៃអាមេរិកខាងជើង។ យ៉ាងណាមិញ ជើងហោះហើរពីទីក្រុងម៉ានីល ទៅ ហាណូយ ប្រទេសវៀតណាម នឹងនៅតែបន្តដោយមានជើងហោះហើរ៨ជើងក្នុងមួយសប្ដាហ៍៕ ប្រភព៖ Rappler
គោលនយោបាយសេដ្ឋកិច្ចរបស់ប្រធានាធិបតីអាមេរិក លោក ដូណាល់ ត្រាំ ជាពិសេសគឺសង្រ្គាមពាណិជ្ជកម្មជាមួយចិន កាលពីឆ្នាំ២០១៨កន្លងទៅ បានធ្វើឱ្យភូមិសាស្ត្រនយោបាយសេដ្ឋកិច្ចពិភពលោករង្គោះរង្គើរ ដោយក្នុងនោះមានប្រទេសខ្លះនៅតែបន្ត ចាយលុយដុល្លារអាមេរិកជារូបិយវត្ថុអន្តរជាតិ ខណៈប្រទេសចំនួន៥ កំពុងព្យាយាមបោះបង់ចោលប្រាក់ដុល្លារ។ នេះបើតាមការចេញផ្សាយដោយ Russian Today កាលពីម្សិលមិញថ្ងៃពុធ ទី០២ ខែមករា ឆ្នាំ២០១៩​ នេះ។ ប្រទេសទាំង៥ នេះបានសម្រេចឈប់ប្រើប្រាស់លុយដុល្លារអាមេរិកក្រោមហេតុផលដូចជា៖​ ១. ចិន សង្រ្គាមពាណិជ្ជកម្មជាមួយនឹងចិនដោយបានដំឡើងពន្ធលើផលិតផលនាំចូលពីចិន បានបង្ខំឱ្យរដ្ឋាភិបាលទីក្រុងប៉េកាំង ចាត់វិធានការ​​​ឆ្លើយតប​ជាច្រើន ដើម្បីកុំឱ្យសេដ្ឋកិច្ចចិនក្នុងនាមជាមហាអំណាចសេដ្ឋកិច្ចលេខ២ នៅលើពិភពលោកពឹងផ្អែកលើ​លុយដុល្លារ​អាមេរិកហួសហេតុពេក។ ជាការឆ្លើយតប ចិនបានចាត់វិធានការដោយបង្កើនតម្លៃប្រាក់យ័ននៅក្នុងការធ្វើពាណិជ្ជកម្មជាមួយបណ្ដា​ប្រទេសជាដៃគូ ជាពិសេសនោះគឺការលើកកម្ពស់​ប្រាក់យ័នតាមរយៈកម្មវិធីនយោបាយសេដ្ឋកិច្ចផ្ដល់កម្ចីរបស់ចិន។ ២.ឥណ្ឌា ចំណែកឥណ្ឌាវិញ ក៏បានរងផលប៉ះពាល់ផ្នែកពាណិជ្ជកម្ម​ដោយសារតែគោលនយោបាយថ្មីរបស់លោក ដូណាល់ ត្រាំ ផងដែរលើការដំឡើងពន្ធផលិតផលរបស់ខ្លួន។ ដើម្បីកាត់បន្ថយឥទ្ធិពលលុយដុល្លារ ទីក្រុងញូដេលី​បានប្រើប្រាស់រូបិយវត្ថុជាតិគឺរូបពី (rupee)វិញ ដើម្បីទិញប្រព័ន្ធមីស៊ីល S-400 ពីរុស្ស៊ី និងទិញប្រេងពីអ៊ីរ៉ង់ជាដើម។ ៣.តួគី កាលពីឆ្នាំ២០១៨ ប្រធានាធិបតីតួកគី លោក អឺដូហ្កាន់ បានប្រកាសពីផែនការលែងចាយលុយដុល្លារអាមេរិក នៅក្នុងការធ្វើ​ពាណិជ្ជកម្មជាមួយប្រទេសជាដៃគូ ដូចជាចិន រុស្ស៊ី អ៊ុយក្រែន និងអ៊ីរ៉ង់។ ការប្រកាសពីផែនការនេះធ្វើឡើងបន្ទាប់ពីទំនាក់ទំនងរវាង​ទីក្រុង​អង់ការ៉ា និងទីក្រុងវ៉ាស៊ីនតោនមានភាពល្អក់កករនឹងគ្នាចាប់តាំងពីរដ្ឋប្រហារនៅតួកគីកាលពីឆ្នាំ២០១៦មក។ ៤.អ៊ីរ៉ង់ កាលពីឆ្នាំ២០១៥ សហរដ្ឋអាមេរិកបាន សម្រេចដាក់ទណ្ឌកម្មសេដ្ឋកិច្ចឡើងវិញប្រឆាំងនឹងទីក្រុងតេហេរ៉ង់ ក្រោយពីមានការប្រកាសដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់ដោយប្រធានាធិបតីសហរដ្ឋអាមេរិកលោក ដូណាល់ ត្រាំ។ ទណ្ឌកម្មនេះគឺអាមេរិកមានគោលដៅផ្តោតសំខាន់លើវិស័យប្រេងអ៊ីរ៉ង់​ទុញដូរហិរញ្ញវត្ថុ។ ប៉ុន្តែ ដើម្បីដោះស្រាយបញ្ហានេះ ទីក្រុងតេហេរ៉ង់...
ក្រសួងពាណិជ្ជកម្ម បានចេញសេចក្តីជូនដំណឹងនៅដើមខែ ស្តីពីការកំណត់តម្លៃ​ប្រេងឥន្ធនៈតាមស្ថានីយចាប់ពីថ្ងៃ០១ ដល់ថ្ងៃទី១៥ ខែមករា ឆ្នាំ២០១៩ ដោយតម្លៃសាំងធម្មតា និងម៉ាស៊ូតធ្លាក់ចុះបន្ថែមទៀតមកនៅត្រឹម ៣,២០០រៀលក្នុងមួយលីត្រ៕ តម្លៃសាំងនេះ ហាក់មានការធ្លាក់ចុះថ្លៃជាលំដាប់ ដែលមិនគួរឱ្យជឿនៅដើមឆ្នាំ២០១៩នេះ បើប្រៀបធៀបទៅនឹងឆ្នាំ២០១៨។  
ក្រសួងធនធានទឹក និងឧតុនិយម បានធ្វើការអំពាវនាវ ឲ្យប្រជាពលរដ្ឋ ប្រុងប្រយ័ត្នចំពោះបាតុភូតធម្មជាតិ ដោយសារកម្ពុជានឹងទទួលរងឥទ្ធិពលខ្យល់ព្យុះប៉ាប៊ុក(PABUK) បង្កឲ្យមានធាតុអាកាសចុះត្រជាក់ និងមានភ្លៀងលាយឡំ ខ្យល់បោកបក់ ខ្លាំងៗ។ ក្រសួងធនធានទឹក និងឧតុនិយមជូនដំណឹងនៅថ្ងៃទី២ ខែមករា ឆ្នាំ២០១៩នេះ បានឲ្យដឹងថា បន្ទាប់ពីបានតាមដានលើស្ថានភាព អាកាសធាតុរួចមក ឃើញថា ជ្រលងសម្ពាធខ្ពស់ បានចាប់ផ្តើមចុះខ្សោយ ។ ក្នុងសមុទ្រចិនខាងត្បូង មានកើតនូវព្យុះឈ្មោះ ប៉ាប៊ុក ដែលជាព្យុះទី១ប្រចាំឆ្នាំ២០១៩ ។ ព្យុះនេះនឹងវិវត្តខ្លួនទៅជាព្យុះទីហ្វុង(TY PABUK) រួចបន្តដំណើរទៅកាន់ភាគខាងត្បូងប្រទេសថៃ។ តាមការតាមដានលើស្ថានភាពអាកាសធាតុបានឱ្យដឹងផងដែរថា លក្ខណៈបែបនេះ នឹងធ្វើឲ្យអាកាសធាតុនៅកម្ពុជា៖ ១.ចាប់ពីថ្ងៃទី២-៣មករា ត្រជាក់បន្តកើតមាន នៅតែបណ្តាខេត្តជាប់ជួរភ្នំក្រវាញ ខេត្តភាគឦសាន និងខេត្តប៉ៃលិនប៉ុណ្ណោះ (ត្រជាក់តែពេលយប់ និងពេលព្រឹកព្រលឹម) ។ ២.ចាប់ពីថ្ងៃទី៣-៤មករា ផ្នែកខ្លះនៃរាជធានី-ខេត្តប៉ែកខាងក្រោមរួមនឹងខេត្តកែប កំពត និងព្រះសីហនុ អាចមានភ្លៀងធ្លាក់ពីតិចទៅមធ្យម។ ដូច្នេះ ក្រសួងជូនដំណឹង ដើម្បីបង្កើនការប្រុងប្រយ័ត្ន ពិសេសបងប្អូនប្រជានេសាទ អ្នកដំណើរតាមស វីរកងទ័ពដែលឈរជើងនៅតាមបណ្តាកោះនានា ចំពោះបាតុភូតព្យុះ ដែលអាចនឹងបង្កឲ្យកើតមានភ្លៀងលាយឡំជាមួយខ្យល់បក់បោកខ្លាំង និងរលកសមុទ្រខ្ពស់ៗ ចាប់ពីថ្ងៃទី៣-៤ មករា”៕    
តាមរបាយការណ៍ផ្លូវការរបស់គ្រឹះស្ថានអង្គរ ចេញផ្សាយដោយសារព៍ត៍មាន Fresh News នាព្រឹកថ្ងៃទី០១ ខែមករា ឆ្នាំ២០១៩នេះ បានបង្ហាញពីចំណូលដែលទទួលបានបានពីការលក់សំបុត្រជូនដល់ភ្ញៀវដែលចូលទៅទស្សនាអង្គរ ក្នុងរយៈពេលពេញ១ឆ្នាំ២០១៨នេះ កម្ពុជាទទួលបានចំណូលចំនួន១១៦.៦៤លានដុល្លារអាមេរិក បានកើនឡើង៨ភាគរយ បើធៀបនឹងឆ្នាំ២០១៧។ ប្រភពដដែលបានបញ្ជាក់ឱ្យដឹងផងដែរថា នៅឆ្នាំ២០១៨ មានភ្ញៀវបរទេសចំនួន២,៥៩០,៨១៥នាក់ បានចូលទស្សនារមណីយដ្ឋានអង្គរ កើនឡើង៥.៤៥ភាគរយ។ ពិសេសជាងនេះ ចំណូលដែលទទួលបានជាង១១៦លានដុល្លារ ពីការលក់បណ្ណចូលទស្សនាតំបន់អង្គរនេះ រាជរដ្ឋាភិបាលបានដកចំនួន ៥,១៨១,៦៣០ដុល្លារ សម្រាប់ឧបត្ថម្ភដល់មន្ទីរពេទ្យគន្ធបុប្ផា ដើម្បីជួយទ្រទ្រង់ដំណើរការមន្ទីរពេទ្យ ដើម្បីបន្តជួយសង្គ្រោះជីវិតកុមារកម្ពុជា៕  
លោកឧត្តមសេនីយ ម៉ូហាំម៉េដ បាគែរី ប្រធានសេនាធិការ​យោធា​អ៊ីរ៉ង់ មិនពេញចិត្តចំពោះ វត្តមានកងកម្លាំង និងនាវា​ផ្ទុកយន្ដហោះ​ចម្បាំងរបស់អាមេរិក USS John C. Stennis ដែលកំពុងឈរជើងនៅតំបន់ឈូងសមុទ្រពែក្ស អាចបង្កើតឱ្យមានជម្លោះ និងបង្ករអសន្តិសុខ​នៅក្នុងតំបន់ឈូង​សមុទ្រ​ពែក្ស។ លោកបាគែរី បានសង្កត់ផងដែរថា ការសម្រេចចិត្ត​ដកកងទ័ពអាមេរិក​ចេញពីស៊ីរី របស់ប្រធានាធិបតី​អាមេរិក​លោក ដូណាល់ ត្រាំ ក៏នឹងជួយដល់​ការស្ដារ​សន្តិសុខ និងសន្តិភាពនៅក្នុង​តំបន់មជ្ឈិមបូព៌ា​ទាំងមូល​ផងដែរ ប៉ុន្តែបញ្ហាធំ​នៅពេលនេះ គឺអ៊ីរ៉ង់​ចង់សំដៅទៅលើ​ការបញ្ជានាវាដឹក​យន្តហោះ​ចម្បាំងអាមេរិក មកកាន់ឈូងសមុទ្រពែក្ស។ នាវផ្ទុកយន្ដហោះ​ចម្បាំងអាមេរិកមួយនេះ បានធ្វើដំណើរមកដល់ឈូងសមុទ្រពែក្សសារជាថ្មី ​កាលពីថ្ងៃទី២១ ខែធ្នូកន្លងទៅ បន្ទាប់ពីបាត់មុខចាប់តាំង​ពីឆ្នាំ២០០១​មក នៅពេលដែលអ៊ីរ៉ង់បាន​ព្រមានបិទច្រក​សមុទ្រ ហ័រមូស (Hormuz) ដែលជា ផ្លូវទឹកដឹកជញ្ជូន​ប្រេងដ៏សំខាន់មួយនៅ​លើពិភពលោក។  
មូលបត្រអាចជួញដូរបាន(NCD)គឺជាប័ណ្ណបំណុលរយៈពេលខ្លីមានការប្រាក់ ដែលចេញដោយធនាគារជាតិនៃកម្ពុជា។ មូលបត្រនេះត្រូវបានចេញផ្សាយជា«ប្រាក់រៀល (KHR) និងប្រាក់ដុល្លារអាមេរិក (USD) ដើម្បីជួយ ដល់បណ្តាគ្រឹះស្ថានធនាគារនិងហិរញ្ញវត្ថុវិនិយោគនូវសន្ទនីយភាពរយៈពេលខ្លីរបស់ខ្លួន ។ តម្លៃនាមចារឹកអប្បបរមា គឺ ៥០.០០០ ដុល្លារអាមេរិក ឬ ២០០.០០០.០០០ រៀល ។ កាលវសាននៃ (KHR-NCD) មានចាប់ពី ២ សប្តាហ៍ ដល់ ១ឆ្នាំ ចំណែកឯ (USD-NCD) វិញ មានកាលវសានចាប់ពី ២ សប្តាហ៍ ដល់ ៦ខែ។ អត្រាការប្រាក់របស់ (NCD) ត្រូវបានកំណត់ដោយធនាគារជាតិនៃកម្ពុជា ហើយប្រែប្រួលជារៀងរាល់  ថ្ងៃទៅតាមលក្ខខណ្ឌទីផ្សារ។ ដោយសារហេតុផលខាងលើ ធនាគារជាតិនៃកម្ពុជា (NBC) បានបង្កើតគម្រោងការអភិវឌ្ឍទីផ្សារអន្តរធនាគារ ដោយបានចេញប្រកាសលេខ ធ.៥.០១០-១៨៣ ប្រ.ក ស្តីពីការចេញផ្សាយមូលបត្រអាចជួញដូរបានដូរបានដោយធនាគារជាតិនៃកម្ពុជា ចុះថ្ងៃទី១៥ ខែតុលា ឆ្នាំ២០១០។ គុណសម្បត្តិនៃការកាន់កាប់ NCD រួមមាន៖ 1. គ្មានហានិភ័យ: ដោយសារតែ NCD បានគាំទ្រដោយប្រកាសស្តីពីការចេញផ្សាយមូលបត្រអាចជួញ ដូរបានដោយធនាគារជាតិនៃកម្ពុជា និងចេញដោយ NBC ដូច្នេះឧបករណ៍នេះគ្មានហានិភ័យឥណទានឡើយ។ 2. ទទួលបានការប្រាក់: ធនាគារជាតិនៃកម្ពូជាអំពីប័ណ្ណមួយនេះថា NCD គឺជាឧបករណ៍អាចជួញដូរបានដែលមានការប្រាក់ ដូច្នេះគ្រឹះស្ថានធនាគារ និងហិរញ្ញវត្ថុ...

ព័ត៌មានពេញនិយម

ព័ត៌មានថ្មី